Tipindewo Mudariro muunganidzwa wemutakunanzva yenduri dzemazwi matsva neekare. Uyu ndeumwe wemiunganidzwa yezvinyorwa mishoma yakaitwa mumasaisai ekutandarira nevanyori vazhinji vasina nokumbosangana chiso nechiso, vamwe vavo vachigara kunze kwenyika yeZimbabwe vaine vavariro yekushandisa social media mundima dzebudiriro. Chakasimudza vananyanduri ava chido chekusimudzira mutauro nekuchengetedza tsika namagariro zveChiShona. Nenduri idzi vanyori vanoti; “Regai Tipindewo Mudariro revanyori titaridzewo hudavadi hwedu dariro rikure.” Naizvozvo pindaiwo mudariro ravananyanduri ava muwane kugashirwa zvakanaka nenduri dzirimo. Ko, muyenzi anopunza dura here? Saka vanoita matumba vanotambirwazve nokuti kuwanda huuya. Pindai titambanudze pfungwa sezvizvarwa zvemuZi…